काठमाडौं । थाईल्याण्डको राजधानी बैङ्ककमा नेपाली साहित्य सुन्ने सुनाउने कार्यक्रम भएको छ । कार्यक्रममा गर्मीको विदामा नेपाली भाषा सिकिरहेका विद्यार्थीहरुले बिभिन्न सृजनाहरु सुनाएका थिए ।
आफ्ना बालबालिकाहरुले छोटो समयमा नै आफ्नो मातृ तथा पितृ भाषा सिकेर दिएको प्रस्तुतिले अग्रजहरु प्रफुल्लीत भएका थिए । थाइ नेपाली संघको साहित्य संगीतप्रेमी मण्डलीले आयोजना गरेको कार्यक्रममा नेपाली बिद्यालयमा पढ्ने बिद्यार्थीहरुले जागरण गीत सहित बिभिन्न कला प्रर्दशन गरेको स्थानीय राज कर्माचार्यले जानकारी दिनुभयो ।
कार्यक्रममा थाइल्याण्डका लागि नेपाली राजदूत धनबहादुर वलीले नेपाली साहित्यका अनुरागी तथा थाइ(नेपाली संघको प्रथम प्रयासमा गर्मीको विदामा नेपाली भाषा सिकिरहेका साना विद्यार्थी भाईबहिनीहरू र म्यानमारदेखि आउनुभएका नेपाली साहित्यकारहरू सहितको भेलामा नेपाली साहित्य सुन्ने सुनाउने कार्यमा सरिक हुने अवसर प्राप्त भएको जनाउनु भयो । राजदूत वलीले सो अबसरमा आफ्नो रचना समेत वाचन गर्नुभएको थियो । उहाँले हाम्रा पुर्खाहरु कसरी बिदेश पलायान भएका थिए भन्ने बारेमा पनि जानकारी गराउनु भएको थियो ।
थाई नेपाली संघ बैङ्कक शाखा, शिक्षा बिभागको अन्तरगत शिक्षा बिभाग प्रमुख ओम प्रकाश न्यौपानेको अध्यक्षतामा भएको कार्यक्रममा म्यानमार सहित त्यस क्षेत्रमा रहेका नेपालीभाषीहरुको उल्लेख उपस्थिती रहेको थियो ।
