काठमाडौँ । इंग्लिस प्रिमियर लिग फुटबलमा म्यान्चेस्टर सिटीले सहज जित निकालेको छ । शनिबार भएको खेलमा सिटीले लुटन टाउनलाई ५-१ गोलले पराजित गर्यो ।
सिटीलाई फराकिलो जित दिलाउन माटेओ कोभासिच, एर्लिङ हालाण्ड (पेनाल्टी), जेरेमी डोकु र योस्को जिभार्डीओलले एक-एक गोल गरे । एक गोल भने सिटीले उपहारस्वरुप पायो । लुटनका डाइकी हासिओकाले आत्मघाती गोल गरेका थिए । एक गोल भने रोस बार्कलीले गरेका थिए ।
जितसँगै सिटी ३२ खेलबाट ७३ अंकका साथ तालिकाको शीर्षस्थानमा छ । एक एक खेल कम खेलेका आर्सनल र लिभरपुल दोस्रो र तेस्रो स्थानमा छन् ।
