काठमाडौँ । राष्ट्रिय प्रजातन्त्र पार्टी का प्रमुख सचेतक ज्ञानेन्द्र शाहीले गृहमन्त्री रवि लामिछानेले अपेक्षित काम गर्न नसकेको बताएका छन् ।
मङ्गलबार प्रतिनिधिसभा बैठकमा बोल्दै सचेतक शाहीले यस्तो बताएका हुन् ।
पुराना दलहरूले काम गर्न सकेनन् भनेर निर्वाचित भएर आएका गृहमन्त्री लामिछानेले काम गर्न नसक्दा जनता निराश भएको उनले बताए । थन्किएर बसेका ठूला भाईलहरु खनेल्नुपर्ने बताउदै उनले भने, “यो संसद्मा हामी सुन्न आतुर छौँ गिरीबन्धु टी-स्टेटको फाइल कहिले खोलिन्छ ? मेलम्ची, वाइडबडी कहिले ?”
जीबी राईलाई खोजेर ल्याउँछु भन्ने गृहमन्त्री चुपचाप लागेको भन्दै उनले भने, “आकाशमा भएपनि, पातालमा भएपनि खोजेर जीबी राई ल्याउँछु भन्ने गृहमन्त्री किन चुपचाप? आज दिनमा देश ठूलो कि जीबी राई ठूलो हो ?” ।
