एजेन्सी । बलिउड अभिनेत्री कियारा आडवाणीले हालै बलिउडमा १० वर्ष पूरा गरेकी छिन् । यस अवसरमा अभिनेत्रीले फ्यान मिट आयोजना गरिन्, जहाँ उनी भावुक भइन् ।
यस भेटका केही तस्विर र भिडियोहरु अभिनेत्रीले सामाजिक सञ्जालमा फ्यानहरुसँग शेयर गरेकी छिन् । भिडियोमा फ्यानको माया देखेर कियारा रोइरहेकी छिन् ।
यो रिल सेयर गर्दै कियाराले लेखेकी छिन्, ‘१३ जुन २०१ ४। १० वर्ष बितिसक्यो तर हिजो मात्रै भयो जस्तो लाग्छ । मनमा, म अझै पनि उही केटी हुँ जो आफ्नो परिवारको लागि प्रदर्शन गर्न उत्साहित छु । र अब मेरो परिवार यति ठूलो भएको छ किनकि तपाईं सबै यसको एक हिस्सा बन्नु भएको छ । मलाई यति धेरै माया र आशीर्वाद दिनु भएकोमा म तपाईंहरू सबैप्रति आभारी छु ।’
कियाराले सन् २०१४ मा फिल्म ‘फग्ली’ बाट बलिउडमा डेब्यु गरेकी थिइन् । यसपछि उनी ‘एमएस धोनीः द अनटोल्ड स्टोरी’, ‘कलंक’, ‘कबीर सिंह’, ‘गुड न्यूज’, ‘शेरशाह’ र ‘भूल भुलैया २’ जस्ता फिल्ममा देखिइन् ।
पछिल्लो पटक उनी गत वर्ष रिलिज भएको कार्तिक आर्यनको फिल्म ‘सत्यप्रेम की कथा’ मा देखिएकी थिइन् ।
यस वर्ष कियारा शंकरको फिल्म ‘गेम चेन्जर’ मा देखिने छिन् जसमा उनको अपोजिट राम चरण हुनेछन् । यसबाहेक उनी ‘डन २’ र ‘वार २’ जस्ता प्रोजेक्टको पनि हिस्सा हुन् ।
