काठमाडौं । नेपाल कम्युनिस्ट पार्टी (नेकपा)को प्रचण्ड–नेपाल पक्षको बैठक सुरु भएको छ । बिहिबार प्रचण्ड–नेपाल पक्षको बैठक बबरमहलमा रहेको कार्की ब्यांक्वेटमा सुरु भएको हो ।
आज बस्ने बैठकमा पुष्पकमल दाहाल 'प्रचण्ड' र माधवकुमार नेपाल अध्यक्ष रहेको समूहले नेता सुरेन्द्र पाण्डेलाई महासचिव बनाउने भएको छ। महासचिवका लागि भीम रावल, वर्षमान पुन र जनार्दन शर्माको नाम पनि चर्चामा थियो।
बुधबार बसेको उनीहरूको संसदीय दलको बैठकले प्रधानमन्त्री केपि शर्मा ओलीलाई संसदीय दलको नेताबाट समेत हटाएर प्रचण्डलाई नयाँ नेता बनाएको छ।
