काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड, वरिष्ठ नेता माधव नेपाललगायत नेता कांग्रेस कार्यालय सानेपा पुगेका छन्। नेपाली कांग्रेसले डाकेको सर्वदलीय बैठकमा भाग लिन उनिहरु सानेपा पुगेका हुन् ।
सभापति शेरबहादुर देउवाले सोमबार अपरान्ह ४ बजे डाकेको सर्वदलीय बैठक अब केहीबेरमा बस्दैछ। बैठकका लागि जनता समाजवादीलगायत दललाई पनि कांग्रेसले बोलाएको छ।
बैठकका लागि कांग्रेसका शीर्ष नेताहरू पनि कार्यालय उपस्थित भइसकेका छन्।
प्रधानमन्त्री केपी शर्मा ओलीले प्रतिनिधिसभा संसद विघटन गरेपछिको अवस्थाबारे छलफल गरी आवश्यक रणनीति तय गर्न कांग्रेसले सर्वदलीय बैठक बोलाएको हो।
