काठमाडौं । आज ३० औं विश्व आदिवासी दिवस मनाइँदै छ । यसैक्रममा काठमाडौंमा आदिवासी तथा जनजातिका विभिन्न संस्थाहरूले र्याली निकालेका छन् ।
मगर, थारु, नेवार, तामाङ, राई, लिम्बूलगायत जातीय संस्थाहरुले आफ्नो परम्परा र संस्कृति झल्कने पहिरन र गरगहना लगाएर बाजागाजा तथा नाचगानसहित ब्यानर बोकेर र्याली निकालेका छन् ।
राष्ट्रिय आदिवासी जनजाति महासंघ, आदिवासी जनजाति महिला महासंघ, किरात राई यायोक्खा, तमुवान, भोटे जनजाति सेवा संघको अगुवाइमा र्याली निकालिएको हो ।
तस्बिरहरु: न्युज एजेन्सी नेपाल
