एजेन्सी । कन्नड फिल्म ‘मनदा कडालु’ को सेटमा ३० फिट उचाइबाट खसेर एकजनाको मृत्यु भएको छ ।
यो दुर्घटना सेप्टेम्बरमा भएको थियो । बिहीबार सेप्टेम्बर ५ मा उक्त दुर्घटनामा परेका लाइट ब्वाई मोहन कुमारको अस्पतालमा मृत्यु भएको छ ।
रिपोर्टका अनुसार उनी सेटमा ३० फिट अग्लो सिँढी चढ्दै थिए जहाँबाट उनले सन्तुलन गुमाए र तल खसे । मोहनसँगको यो घटना मदननायकनहल्लीको केभिआरएल एरिनामा भएको हो जहाँ सुटिङ भइरहेको थियो ।
सेटमा दुर्घटना भएपछि मोहनलाई गोरागुन्टे पल्याङ अस्पताल लगिए पनि गम्भिर चोटका कारण उनको मृत्यु भएको हो ।
प्रहरीले सुटिङमा सुरक्षा व्यवस्थामा लापरवाही गरेको भन्दै फिल्म निर्देशक योगराज भट्ट र म्यानेजर सुरेशसहित तीन जनाविरुद्ध मुद्दा दर्ता गरेको छ ।
मोहन ३० वर्षका थिए र उनका भाइ पनि फिल्ममा लाइटब्वाईको रूपमा काम गर्छन् । योगराज भट्टले निर्देशन गरेको ‘मनदा कड्लु’ को सेटमा मोहनसँग भएको दुर्घटना हो । योगराज कन्नड फिल्म उद्योगका एक प्रसिद्ध निर्देशक, गीतकार र निर्माता हुन् ।
उनले २००६ मा मुंगारु माले फिल्म बनाए जुन कन्नड फिल्मको इतिहासमा सबैभन्दा धेरै कमाउने फिल्म बन्यो । यो मल्टिप्लेक्समा सबैभन्दा लामो समयसम्म चल्ने फिल्महरू मध्ये एक हो । यस बाहेक योगराजले धेरै कन्नड फिल्महरू निर्देशन गरेका छन् ।
