काठमाडौँ । नेपाल प्रिमियर लिग(एनपिएल)को पहिलो संकरणका लागी मार्की खेलाडीको लक्की ड्र भएको छ ।
शनिबार काठमाडौँमा भएको लक्की ड्र अनुसार राष्ट्रिय टीमका कप्तान रोहित पौडेल टीम लुम्बिनीको मार्की खेलाडी बनेका छन् ।
यसैगरी, सन्दीप लामिछाने विराटनगर, कुशल भुर्तेल पोखरा, कुशल मल्ल चितवन, करण केसी काठमाडौं, आसिफ शेख जनकपुर, दीपेन्द्रसिंह ऐरी सुदुरपश्चिम र सोमपाल कामी कर्णालीका मार्की खेलाडी बनेका छन् ।
नेपाल क्रिकेट संघ क्यानका अनुसार मार्की खेलाडीको न्यूनतम मूल्य २० लाख रुपैयाँ तोकिएको छ ।
पहिलो संस्करणको एनपिएल आउँदो मंसिर १५ देखि पुस ६ सम्म काठमाडौंमा आयोजना हुँदैछ ।
