काठमाडौं । चर्चित गायक हेमन्त शर्माको ‘आउँथ्यो दशैं’ बोलको नँया गीत सार्वजनिक भएको छ ।
गायक शर्माकै शब्द रचना तथा संगीत रहेको गीत बुधवार युट्युवच्यानल हेमन्त शर्मामार्फत सार्वजनिक गरिएको हो ।
उक्त गीतमा शर्मा र चर्चित गायिका मेलिना राइको आवाज रहेको छ । गीतमा नेपालीहरुले दशैं मनाउने शैली, परम्परा लगायतका रमाइलोसँग-सँगै आर्थिक, सामाजिक र पारिवारिक विषयलाई समेटिएको छ ।
प्रिज्म रेकडिङ्ग स्टुडियोमा तयार पारिएको उक्त गीतको संगीत संयोजन राकेश सोनीले गरेका छन् । गीतमा मौसम हिमालीले निर्देशन गरेका छन् । मुख्य अभिनयमा गायक शर्मा, रजनी गुरुङ, डोना थापा मगर लालना चिमरिया, एलिश राई लगयातलाई देख्न सकिन्छ ।
