काठमाडौँ । इंग्लिस प्रीमियर लिग फुटबल अन्तर्गत आज आइतबार चार खेलहरु हुँदैछन् ।
म्यान्चेस्टर युनाइटेडले लेस्टर सिटीसँग प्रतिस्पर्धा गर्दैछ भने नटिङहम फरेस्ट र न्युक्यासल युनाइटेडबीच प्रतिस्पर्धा हुँदैछ । एकै समयमा टोटेनहम र इप्सविच टाउनबीच पनि खेल हुँदैछ । यी सबै खेलहरु नेपाली समयानुसार राति ७ः४५ बजे सुरु हुनेछ ।
आजको विशेष खेल लण्डन डर्बी अर्थात् लण्डनका दुई क्लब चेल्सी र आर्सनलबीच हुँदैछ । खेल नेपाली समयानुसार राति सवा १० बजे सुरु हुनेछ । अंकतालिकामा पाँचौं र छैटौं स्थानमा रहेका यी दुई क्लब आजको खेल जित्दै तेस्रो स्थानमा उक्लन चाहन्छ ।
पछिल्ला तीन खेलमा जित निकाल्न नसकेको आर्सनल आजको खेल जित्दै कमब्याक गर्ने दाउमा छ । तर, घरेलु समर्थककाबीच चेल्सीलाई हराउन उसका लागि सहज भने पक्कै हुनेछैन ।
