काठमाडौं । नेपाल क्रिकेट संघ (क्यान)ले आइसिसी महिला यू–१९ विश्वकपका लागि छनोट भएका नेपाली खेलाडीलाई जनही २ लाख ५० हजार रुपैयाँ दिने घोषणा गरेको छ ।
एक विज्ञप्ति जारी गर्दै क्यानले टी-२० विश्वकप २०२५ का लागि छनौट भएको यू-१९ नेपाली महिला क्रिकेट टिमका खेलाडीहरूलाई जनही २ लाख ५० हजार रुपैयाँ पुरस्कार दिने घोषणा गरेको हो ।
साथै, क्यानले यू-१९ महिला टिमका टिम अफिसियलहरूलाई जनही एक लाख ५० हजार रुपैयाँ पुरस्कार दिने जानकारी दिएको छ ।
युएईमा भएको आइसीसी यू–१९ महिला टि–२० विश्वकपको एसिया छनोटको अन्तिम खेलमा युएईलाई ८ विकेटले हराउँदै विश्वकपमा छनोट भएको थियो । प्रतियोगीतामा नेपालले छ मध्ये पाँच खेलमा जित हासिल गरेको थियो ।
त्यस्तै, यू–१९ महिला क्रिकेट टोलीले आगामी मंसिर ३० गतेदेखि मलेसियामा हुने एसीसी यू–१९ महिला एसिया कपमा सहभागी जनाउनेछ ।
