एजेन्सी । साउथ अभिनेत्री नयनताराको खुला पत्रपछि अब धनुषका वकिलले विज्ञप्ति जारी गर्दै नयनताराविरुद्ध कानुनी कारबाही गर्ने कुरा गरेका छन् ।
२४ घण्टाको अल्टिमेटम दिँदै उनले उक्त फुटेज वृत्तचित्रबाट नहटाए १० करोड रुपैयाँ क्षतिपूर्ति तिर्नुपर्ने बताए ।
वास्तवमा चलचित्र ‘नयनताराः बियोन्ड द फेयराइटल’ लाई लिएर लामो समयदेखि अभिनेत्री र धनुषबीच विवाद चलिरहेको छ ।
‘मेरा ग्राहक निर्माता हुन् र उनलाई थाहा छ कि फिल्मको निर्माणको प्रत्येक पैसा कहाँ खर्च हुन्छ । फिल्ममा पर्दा पछाडिका तस्बिरहरू समावेश गर्न कसैलाई जिम्मेवारी दिइएको छैन र उक्त भनाइ निराधार छ । तपाईंले यसको लागि कडा प्रमाण पेश गर्नुपर्नेछ ।’ धनुषका वकिलले भनेका छन् ।
घटना के हो ?
नयनताराले धनुषसँग उनको फिल्म ‘नानुम राउडी धान’ को गीत र भिजुअलको लागि उनको डकुमेन्ट्री ‘नयनथाराः बियन्ड द फेयरी टेल’का लागि अनुमति मागेकी थिइन् ।
तर धनुषले उनलाई अनुमति दिन मानेनन् र डकुमेन्ट्रीको ट्रेल हेरेपछि मात्र ३ सेकेन्डको भिजुअल चोरी गरेको आरोपमा अभिनेत्रीलाई १० करोड रुपैयाँको कानूनी नोटिस पठाए । नयनतारा आफैं फिल्म ‘नानुम राउडी धान’मा मुख्य अभिनेत्री थिइन् ।
नयनताराले धनुषलाई गाली गरेकी थिइन्
हालै अभिनेत्री नयनताराले सामाजिक सञ्जालमा लामो पोस्ट सेयर गरेकी छिन् । त्यसमा उनले धनुषलाई गाली गरिन् ।
अभिनेत्रीले लेखेकी छिन्, ‘तिमी आफ्नो बुवा र दाजुका कारण सफल अभिनेता बन्यौ तर फिल्म क्षेत्रमा मेरो कोही गडफादर थिएन, त्यसैले संघर्ष गर्नुपरेको थियो र आज म आफ्नै कारणले फिल्म क्षेत्रमा उभिएकी छु । मेरा फ्यानहरूलाई मेरो काम थाहा छ र मेरो वृत्तचित्र पर्खिरहेका छन्, तर तिम्रो मनोवृत्तिले हाम्रो काममा ठूलो प्रभाव पारेको छ । तर यसको परिणाम पनि भोग्नुपर्छ ।’
