काठमाडौं । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’की नातिनी तथा गायिका स्मिता दाहालले विवाह गर्ने भएकी छिन् ।
स्मिताले प्रेमी बबरमहल घर भएका २७ वर्षिय सायुज्य श्रेष्ठसँग लगनगाँठो कस्न लागेकी हुन् । उनीहरुको विवाह आगामी मंसिर २१ गते गोकर्णस्थित नर्लिङ रिसोर्टमा आयोजना गरिने बताईएको छ ।
केही दिनअघि इन्स्टाग्राममा भिडियो पोस्ट गर्दै स्मिताले सायुज्यलाई प्रेमीको रुपमा चिनाउँदै उनी आफ्नो जीवनसाथी हुन लागेको बताएकी थिइन् । यी दुईबीच पनि इन्गेजमेन्ट भैसकेको छ ।
‘मेरो माया, कलेजको बेन्चहरूमा लुकेर हेराहेर गर्दादेखि सधैंको लागि योजना बनाउँदासम्म । हामीले मात्र बुझ्न सक्ने यो हाँसो, अबेर रातीसम्मको कुराकानी र शान्त क्षणको यात्रा । साथीदेखि मेरो माया र अहिले सँधैको लागि । तिमीले ल्याएका हरेक खुसीको लागि धन्यवाद ।’, स्मिता इन्स्टाग्राममा लेखेकी छिन्, ‘मेरो औंला वरिपरि बेरिएको वाचाको लागि र मलाई संसारको सबैभन्दा भाग्यशाली हृदय बनाएकोमा धन्यवाद । यहाँ हाम्रो सुरुवातको लागि, यी हातले बनाएका सपना, माया, हाँसो र अनन्त सुन्दर सम्झनाको जीवनको लागि । म तिम्रो हुनको लागि पर्खन सक्दिन, सधैं र सधैं । मेरो सारा हृदयले, तिम्रो ।’
