एजेन्सी । शाहिद कपुरको बहुप्रतिक्षित फिल्म ‘देवा’को टिजर सार्वजनिक भएको छ । जी स्टुडियो र रोय कपुर फिल्म्सद्वारा निर्मित यस फिल्मको पोस्टर केही दिन अघि रिलिज गरिएको थियो।
पोस्टरमा शाहिदको पछाडि राखिएको अमिताभ बच्चनको एग्री यंग म्यान पोस्टरले शाहिदको क्रोधित चरित्र देखिने संकेत दिएको छ । अब यसको टिजर रिलिज भएको छ जसमा शाहिदको जबरदस्त र विस्फोटक स्टाइल देख्न सकिन्छ । जसका कारण थप उत्साह थपिएको छ ।
कस्तो छ टिजर ?
देवाको टिजरमा दर्शकले देवको पागल संसार देख्न पाएका छन् । यसमा कडा एक्शन देखिएको छ । तर टिजरको विशेष कुरा यो हो कि टिजरभर देवालाई नाच्दै गरिएको देखाएको छ र बीचमा उनको एक्शन सिन देखिन्छ ।डान्स कोरियोग्राफीमा शाहिद कपुरको फिल्म हैदरको ‘एक और बिस्मिल’ गीतको झलक देखाइएको छ । लडाइँभन्दा डान्समा बढी रिस देखिएको छ ।
देवामा बलिउडका शहेनशाह अमिताभ बच्चनको प्रभावशाली छविलाई आधुनिक ट्विस्टका साथ प्रस्तुत गरिनेछ । फिल्मलाई प्रसिद्ध मलयालम निर्देशक रोशन एन्ड्रयूजले निर्देशन गरेका हुन् भने जी स्टुडियो र रोय कपुर फिल्म्सले निर्माण गरेका हुन्।फिल्ममा शाहिद कपूर पनि पुलिसको पोशाकमा देखिएका छन् र उनीसँगै पूजा हेगडे पनि महत्त्वपूर्ण भूमिकामा छिन् । देवाको विस्फोटक एक्शन जनवरी ३१, २०२५मा सिनेमाघरहरूमा देख्न सकिन्छ।
