काठमाडौं । त्रिभुवन अन्तर्राष्ट्रिय विमानस्थलको गेट अगाडी पूर्वराजा ज्ञानेन्द्र शाहका समर्थकहरुले प्रदर्शन गरिरहेका छन् ।
पोखराबाट काठमाडौँ आउँदै गरेका पूर्वराजा शाहलाई स्वागत गर्न एयरपोर्ट पुगेका प्रदर्शनकारीले राजतन्त्रको पुनरुबहाली हुनुपर्ने लगायतका माग राख्दै नाराबाजी गरेका छन् ।
राजावादीहरुको प्रदर्शनले काठमाडौंको सवारी आवागमन अस्तव्यस्त बनेको छ । प्रदर्शनले चाबहिलदेखि तीनकुनेसम्मको सडक अस्तव्यस्त बनेको छ भने सो रुट भएर चल्ने सवारी साधनलाई डाइर्भट गरिएको छ ।
सवारी प्रवेश निशेष गरिएपछि यात्रुहरु अलपत्र परेका छन् ।
पूर्वराजा शाह ३ बजे काठमाडौं अवतरण हुँदैछन् । उनलाई विमानस्थलबाटै निर्मल निवाससम्म र्याली निकालेर जाने तयारी गरिएको छ ।
