काठमाडौं । राष्ट्रिय स्वतन्त्र पार्टी (रास्वपा)ले सचिवालय बैठक बोलाएको छ ।
आज दिउँसो ४ बजे पार्टी कार्यालय बनस्थलीमा बस्ने बैठकमा पार्टीको आगामी कार्यक्रम सम्बन्धी प्रस्तावित प्रतिवेदनमाथि छलफल हुने कार्यवाहक प्रवक्ता मनिष झाले जानकारी दिए ।
यस्तै, अघिल्लो बैठकहरूको समीक्षा, पार्टी गतिविधि र अन्य समसामयिक राजनीतिक विषयमा पनि छलफल हुने उनले बताए ।
साथै, केन्द्रीय समितिको विस्तारित बैठक सम्बन्धी प्रस्ताव र पार्टी नियमित गतिविधिलगायतका विषयमा पनि छलफल हुने बुझिएको छ ।
