दाङ । दाङको तुलसीपुरमा रहेको १९ नं. बाहिनीमा कार्यरत २९ जना नेपाली सेनामा कोरोना पुष्टि भएको छ । भेरी अस्पताल नेपालगञ्ज बाँकेमा गरिएको पीसीआर परीक्षणमा २९ जना नेपाली सेनाका जवानमा कोरोना देखिएको हो ।
१९ नम्बर बाहिनीका सहायक बाहिनीपति अलिन सिहका अनुसार साउन १८ गते संक्रमण देखिएका जवानाको सम्पर्कमा आएका व्यक्तिको कन्ट्याक ट्रेसिङ गर्दा २९ जनामा संक्रमण देखिएको हो ।
प्युठानमा कार्यरत एक जवान साउन १४ गते ट्रेनिङका लागि नेपालगञ्ज जाँदै गरेको समयमा स्वास्थ्य समस्या देखिएपछि साउन १६ गते स्वाब संकलन गरी परीक्षण गर्दा संक्रमण देखिएको थियो ।
एकजनालाई संक्रमण देखिएपछि उनीको सम्पर्कमा रहेका सबैलाई आइसोलेसनमा राखिएको अवस्थामा रिपोर्ट पनि पोजिटिभ आएको बताए । संक्रमति सेनामा कुनै पनि लक्षण देखिएको छैन ।
