काठमाडौँ । नेपाल विद्युत् प्राधिकरणका कार्यकारी कुलमान घिसिङलाई पदबाट निकालिएको विरोधमा नयाँ बानेश्वर क्षेत्रमा प्रदर्शन भईरहेको छ ।
सोहिक्रममा आन्दोलनकारी र प्रहरीबिच धकेलाधकेल समेत भएको छ भएको छ । बानेश्वरको निषेधित क्षेत्र तोड्न खोजेपछि धकेलाधकेल भएको हो ।
उक्त विरोध प्रदर्शनमा राष्ट्रिय स्वतन्त्र पार्टीकी सांसद सुमना श्रेष्ठ, केन्द्रीय सदस्य गणेश कार्की समेत सहभागि भएका छन् । उनीहरुले ‘काम गर्न दे सरकार’, ‘नेपाललाई अन्धकार होइन उज्यालो चाहिन्छ’ जस्ता प्लेकार्ड बोकेर प्रदर्शन गरिरहेका छन् ।
