काठमाडौं । नेकपा अध्यक्ष पुष्पकमल दाहाल 'प्रचण्ड' भैँसेपाटी पुगेका छन् । अध्यक्ष प्रचण्ड मंगलबार उपाध्यक्ष बामदेव गौतमलाई भेट्न उनको निवास भैँसेपाटी पुगेका हुन् ।
उपाध्यक्ष गौतमका प्रेस सहयोगी विश्वमणि सुवेदीले प्रचण्ड गौतम भेट्न भैसेपाटी आएको पुष्टि गर्दै समसामयिक विषयमा नेताहरुबीच छलफल हुनु सामान्य भएको प्रतिक्रिया दिए । गौतमलाई भेट्न प्रचण्ड भैँसेपाटी पुग्नुलाई अर्थपूर्ण रुपमा हेरिएको छ ।
यसअघि नेकपा विवाद उत्कर्षमा पुगेका बेला गौतमले सहमतिको लागि भन्दै ६ बुँदे प्रस्ताव अघि सारेसँगै ओली गौतमलाई भेट्न उनको निवास पुगेका थिए ।
आजै ओली प्रचण्डबीच वार्ता हुँदैछ । साँझ ५ बजे हुने वार्तामार्फत सहमतिको बिन्दु खोज्न प्रयास हुनेछ ।
