काठमाडौँ। एनसेल नेपाल सुपर लिग (एनएसएल) का विशेष अतिथि रूपमा नेपाल आउन लागेका ब्राजिलियन फुटबल लिजेन्ड रोबर्टो कार्लोसको भ्रमण स्थगित गरिएको छ। आयोजकका अनुसार स्वास्थ्य समस्या भएपछि शुक्रबारको आगमन रद्द गरिएको हो।
शनिबारको खेलमा उनी विशेष अतिथि बन्ने कार्यक्रम थियो। आयोजकले फाइनलसम्म उनलाई जसरी पनि ल्याउने प्रयास जारी रहेको जनाएको छ।
दर्शकलाई निराश नहुन आग्रह गर्दै आयोजकले शनिबारको टिकट फिर्ता गर्न चाहनेले फिर्ता गर्न सक्ने र चाहनेले फाइनलसम्मको लागि होल्ड गर्न सकिने जानकारी दिएको छ।
