काठमाडौँ। प्रधानमन्त्री केपी शर्मा ओलीले नेपाल कम्युनिष्ट पार्टी (एमाले) का नेता र पूर्वमन्त्री प्रदीप नेपालको निधनमा दुःख व्यक्त गरेका छन्।
सामाजिक सञ्जालमा लेख्दै प्रधानमन्त्री केपी शर्मा ओलीले “प्रदीप नेपालको योगदान र सहकार्यका दिनहरू सम्झेको बताउँदै, उहाँको नेकपा (एमाले) को निर्माणमा महत्त्वपूर्ण भूमिका र नेपाली कम्युनिष्ट आन्दोलनमा योगदानको प्रशंसा गरेका छन्।
प्रधानमन्त्री ओलीले नेकपा (एमाले)को निर्माणमा महत्वपूर्ण भूमिका खेल्नु भएका, नेपाली कम्युनिष्ट आन्दोलनका प्रखर नेता, प्रगतिशील साहित्य लेखनमा सञ्जय थापाको छुट्टै परिचय बनाउनु भएका मेरा सहयोद्धा प्रदीप नेपालको निधनले पीडाबोध भएको छ। उहाँसँग विभिन्न जिम्मेवारीमा सहकार्यका दिनहरू झल्झली सम्झना आइरहेका छन् ।
दिवंगत प्रदीप नेपालप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गर्दछु। प्रदीप नेपाल र उहाँको योगदानलाई हामी सधैं सम्झिरहने छौं।
