भक्तपुर। प्रहरी निरीक्षकको नक्कली पहिचान बनाएर सर्वसाधारणलाई झुक्याएको आरोपमा भोजपुरका २३ वर्षीय सुजन गिरीलाई भक्तपुर प्रहरीले पक्राउ गरेको छ।
गिरी हाल मध्यपुर ठिमी क्षेत्रमा बसोबास गर्दै आएका छन्। उनले मोबाइलको वालपेपरमा प्रहरी बर्दी लगाएको फोटो राखेर आफू ईन्सपेक्टर भएको भन्दै सर्वसाधारणलाई झुक्याउँदै आएका थिए।
जेठ ६ गते राति ठिमी–२ स्थित दिब्यश्वरी नेवा भुटु रेस्टुराँ अगाडि उनले प्रहरी भएको नाटक गरेको सूचनापछि खटिएको प्रहरी टोलीले उनलाई पक्राउ गरेको हो। हाल गिरीलाई नियन्त्रणमा लिएर थप अनुसन्धान भइरहेको जिल्ला प्रहरी परिसर भक्तपुरले जनाएको छ।
