काठमाडौँ । सुन तस्करी प्रकरणमा फरार रहेकी रोल्पाकी अमला रोक्का पक्राउ परेकी छिन् । रोक्कालाई प्रहरीको केन्द्रीय अनुसन्धान ब्युरोले पक्राउ गरेको हो ।
६१ किलो सुन तस्करी प्रकरणमा प्रहरीले अनुसन्धान सुरु गरेपछि उनी फरार रहेकी थिईन् । प्रहरीले अमला रोक्काविरुद्ध इन्टरपोलमार्फत डिफ्युजन नोटिससमेत जारी गरेको थियो ।
सोही मुद्दामा उनका पति तिब्बती मूलका बेल्जियन नागरिक दावा छिरिङ र अन्य थुनामा रहेका छन् । प्रहरीले रोक्कालाई फरार सूचीमा राखेर अनुसन्धान अघि बढाएको थियो । उक्त मुद्दा अदालतमा विचाराधीन छ ।
२ साउन २०८० मा राजस्व अनुसन्धान विभागले त्रिभुवन अन्तर्राष्ट्रिय विमानस्थलबाट भन्सार राजश्व जाँच पास गरेर बाहिरिएको ६१ किलो सुन बरामद गरेको थियो ।
