काठमाडौं । नेपाली चलचित्र ‘ए मेरो हजुर ४’को रिलिज सर्ने भएको छ । आगामी दशैंमा रिलिज हुने भनिएको फिल्म कोरोनाको कारण छायाँकनमै रोकिएकाले रिलिज सर्ने भएको हो ।
अभिनेता अनमोल केसी र अभिनेत्री सुहाना थापाको रोमान्स रहेको ‘ए मेरो हजुर ४’को काम नसकिएकोले दशैंमा रिलिज हुन नसक्ने देखिएको हो ।
छायाँकन नसकिएको र चलचित्र घर पनि नखुलेको अवस्थामा फिल्मको रिलिज दशैंमा हुन्छ भनेर अहिले नै निर्णय लिन नसकिने निर्माता सुनिलकुमार थापाले बताए ।
फिल्मको छायाँकन चलिरहेको समयमा लकडाउन भएपछि अहिले ३० प्रतिशत मात्र छायाँकन सकिएको र अझै फिल्मको छायाँकन कहिलेदेखि सुरु हुने निर्माण टिम नै अन्योलमा रहेको छ ।
झरना थापाको निर्देशन रहने फिल्ममा अनमोल र सुहानाको अलवा सलोन बस्नेतको पनि मुख्य भूमिका रहेको छ ।
