काठमाडौं। राष्ट्रिय स्वतन्त्र पार्टी (रास्वपा) ले समसामयिक राजनीतिक विषय र रूपन्देही क्षेत्र नम्बर ३ को संभावित उपनिर्वाचनबारे छलफल गर्न सचिवालय बैठक बोलाएको छ।
रास्वपाका कार्यवाहक सभापति डीपी अर्यालको आह्वानमा बैठक भोलि बिहान साढे ११ बजे पार्टी केन्द्रीय कार्यालय, वनस्थली काठमाडौंमा बस्ने कार्यक्रम रहेको छ।
पार्टीले सबै सचिवालय सदस्यहरूलाई बैठकमा अनिवार्य रूपमा उपस्थित हुन अनुरोध गरेको छ। बैठकको कार्यसूचीमा समसामयिक राजनीतिक परिस्थिति, रूपन्देही ३ को उपनिर्वाचन र अन्य विविध विषयहरू समेटिएका छन्।
हालै रूपन्देही ३ मा उपनिर्वाचनको मिति घोषणा हुने चर्चा चलिरहेको सन्दर्भमा रास्वपाले सचिवालय बैठक बोलाउनु विशेष राजनीतिक सन्देशको रूपमा हेरिएको छ।
