काठमाडौँ । ब्राजिलियन क्लब फ्लुमिनेन्स फिफा क्लब विश्वकपको सेमिफाइनलमा प्रवेश गरेको छ ।
गएराति भएको खेलमा साउदी अरबको अल–हिलाललाई २(१ ले हराउदै फ्लुमिनेन्सले सेमिफाइनलमा स्थान बनाएको हो ।
खेलको ४०औं मिनेटमा माथेउस मार्टिनेलीले गोल गर्दै फ्लुमिनेसलाई शुरूआती अग्रता दिलाएका थिए । अल–हिलालले एकपटक पेनाल्टी पाए पनि भीएआरले उक्त निर्णय उल्टायो ।
५१औँ मिनेटमा अल हिलालका मार्कस लियोनार्डोले गोल फर्काउँदै खेललाई १–१ को बराबरीमा ल्याए । तर, ७०औँ मिनेटमा हेरकुलसले गोल गर्दै फ्लुमिन्सलाई २–१ ले अघि बढाए । त्यही गोल निर्णायक बन्यो ।
