काठमाडौँ । प्रधानमन्त्री सुशीला कार्कीको सामाजिक सञ्जाल फेसबुक अकाउन्ट अचानक गायब भएको छ ।
प्रधानमन्त्री बनेपछि कार्कीले तत्कालीन प्रधानमन्त्री केपी शर्मा ओलीले सञ्चालन गर्दै आएको आधिकारिक फेसबुक अकाउन्ट प्रयोग गर्न अस्वीकार गरेकी थिइन् । त्यसपछि प्रधानमन्त्री कार्यालयको समन्वयमा नयाँ आधिकारिक अकाउन्ट खोलेर सूचना तथा गतिविधि सार्वजनिक गर्न सुरु गरिएको थियो ।
तर पछिल्लो समय उक्त नयाँ अकाउन्ट पनि चल्न छाडेको र अहिले फेसबुकमा भेटिन नसक्ने अवस्थाको बनेको प्रधानमन्त्री कार्यालय स्रोतले जनाएको छ ।
कार्यालयका एक अधिकारीका अनुसार सो अकाउन्टमा केही प्रविधिक समस्या आएको हुनसक्ने बताइएको छ । तर अकाउन्ट बन्द भएको वा हटाइएकोबारे औपचारिक जानकारी भने आएको छैन ।
यसअघि प्रधानमन्त्री कार्यालयका आधिकारिक सामाजिक सञ्जाल अकाउन्टमा पहुँच, व्यवस्थापन र नियन्त्रणसम्बन्धी विवाद अन्य प्रधानमन्त्रीका कार्यकालमा पनि देखा परेका थिए ।
