एजेन्सी । अहमदाबादमा ७०औँ फिल्मफेयर अवार्ड समारोह सम्पन्न भयो ।
कार्तिक आर्यनलाई फिल्म ‘चन्दु च्याम्पियन’ र अभिषेक बच्चनलाई फिल्म ‘आई वान्ट टु टक’ का लागि उत्कृष्ट अभिनेता (बेस्ट एक्टर)को अवार्ड प्रदान गरिएको थियो ।
यस्तै, आलिया भट्ट फिल्म ‘जिगरा’ का लागि उत्कृष्ट अभिनेत्री (बेस्ट एक्ट्रेस) घोषित भइन् । उत्कृष्ट फिल्मको अवार्ड ‘लापता लेडिज’ ले जित्यो र सोही फिल्मका लागि किरण रावले उत्कृष्ट निर्देशक (बेस्ट डायरेक्टर)को अवार्ड प्राप्त गरिन् ।
फिल्मफेयर अवार्डमा १४ अवार्ड जित्दै फिल्म ‘लापता लेडिज’ यसको इतिहासमै सबैभन्दा धेरै अवार्ड जित्ने फिल्म बनेको छ ।
यसअघि यो कीर्तिमान १३ अवार्ड जित्ने फिल्म ‘गली ब्वाइ’ ले बनाएको थियो । त्यस्तै, यस फिल्मले २४ वटा मनोनीयन (नोमिनेशन) प्राप्त गरी सबैभन्दा धेरै नॉमिनेशन हासिल गर्ने नयाँ रेकर्ड पनि कायम गरेको छ ।
