काठमाडौँ । इंग्लिस प्रिमियर लिग फुटबल अन्तर्गत टोटेनहमले जित निकालेको छ ।
गएराति भएको खेलमा टोटेनहमले क्रिस्टल प्यालेसलाई उसकै घरेलु मैदानमा १–० ले हराउँदै साँघुरो जित निकालेको हो । उसका लागि ४२ औँ मिनेटमा आर्की ग्रेले गरेको गोल निर्णायक बन्यो ।
यो नतिजापछि टोटेनहम १८ खेलबाट २५ अंकका साथ तालिकाको ११ औं स्थानमा छ भने प्यालेस २६ अंकका साथ नवौं स्थानमा छ ।
यस्तै, अर्को खेलमा लिड्स युनाइटेड र सन्डरल्यान्डले १–१ को बराबरी खेल्दै अंक बाँडे । २८ औं मिनेटमा सिमोन एडिंगाराले गोल गर्दै घरेलु टोलि सन्डरल्यान्डलाई सुरुवाती अग्रता दिलाएका थिए । ४७ औं मिनेटमा काल्भर्ट लेविनले गोल गर्दै लिड्सलाई बराबरीमा ल्याए । त्यसपछि दुबै टोलिले गोल गर्न सकेनन् र खेल बराबरीमा सकियो ।
सन्डरल्यान्ड २८ अंकका साथ सातौं स्थानमा रहँदा लिड्स २० अंकका साथ १६ औं स्थानमा छ ।
