काठमाडौँ: अर्याल समाज नेपाल काठमाडौँ र खगेन्द्र नवजीवन विशेष शिक्षा माध्यमिक विद्यालयको संयुक्त आयोजनामा आज एक विशेष समारोहबीच तीनजना विशिष्ट व्यक्तित्वलाई सम्मान गरिएको छ।
नेपाल सरकारका मुख्य सचिव सुमनराज अर्याल, त्रिभुवन विश्वविद्यालयका उपकुलपति प्रा.डा. दीपक अर्याल तथा मेकानिकल इन्जिनियरिङ विषयमा पीएच.डी. हासिल गर्नुभएका डा. शेखर अर्याललाई समाज र राष्ट्रप्रति पुर्याउनुभएको योगदानको कदर गर्दै सम्मान गरिएको हो।
समारोहमा वक्ताहरूले सम्मानित व्यक्तित्वहरूले शिक्षा, प्रशासन र अनुसन्धानको क्षेत्रमा पुर्याएको योगदानले नयाँ पुस्तालाई प्रेरणा मिल्ने उल्लेख गरे।
आयोजक संस्थाहरूले यस्ता सम्मान कार्यक्रमले समाजमा सकारात्मक सन्देश प्रवाह हुने विश्वास व्यक्त गरेका छन् ।
