पोखरा । क्रिकेटकी पूजा महतो एनएसजेएफ पल्सर स्पोर्टस अवार्ड ०८१ मा युवा वर्ष खेलाडी घोषित भएकी छन् । पोखरामा जारी अवार्ड समारोहमा उनलाई उक्त अवार्ड प्रदान गरिएको हो ।
उनी नेपाली यू १९ टिमलाई इतिहासमै पहिलो पटक महिला विश्वकपमा छनोट गराउने टिमकी कप्तान थिइन् ।
अवार्ड ग्रहण गर्दै पूजाले उक्त अवार्ड मुमा बुबालाई समर्पित गरिन् ।
उनले एथलेटिक्सका अजय विक, करातेकी अञ्जली महर्जन, बक्सिङकी स्वस्तिका तिरुवा र फुटबलका समीर तामाङलाई पछि पारिन् ।
