काठमाडौं । नेपाली कांग्रेसको विशेष महाधिवेशन पक्षधरहरूले मंगलबार नै निर्वाचन आयोगमा पार्टीको विधान महाधिवेशन चलिरहेकोबारे लिखित जानकारीसहित पत्राचार गरेको खुलेको छ ।
आयोगका प्रवक्ता नारायण प्रसाद भट्टराईले कांग्रेसबाट विशेष महाधिवेशन चलिरहेको र बन्दसत्रले अघिल्लो कार्य समिति भंग भएको लिखित पत्र आयोगमा आएको जानकारी दिए ।
उनले भने, भृकुटीमण्डपमा विशेष महाधिवेशन चलिरहेको छ भनेर प्रतिनिधिको विवरणसहित जानकारीपत्र प्राप्त भएको रहेछ ।’
यस्तै, महाधिवेशनबाट भएका निर्णय अद्यावधिक गर्न पठाउने भनेर पत्र आए पनि त्यसको थप विवरण प्राप्त नभएको आयोगले जनाएको छ ।
विशेष महाधिवेशन पक्षधरले आयोगमा पत्र पठाएको सूचनापछि देउवा पक्षधरले पनि आयोगमा आफूहरूको कुनै महाधिवेशन वा भेला नभएको भनी पत्राचार गरेका थिए ।
