काठमाडौँ । नेपाली कांग्रेसले आसन्न प्रतिनिधिसभा निर्वाचनका लागि मोरङका ६ वटै निर्वाचन क्षेत्रमा उम्मेदवार टुंगो लगाएको छ।
कांग्रेस संसदीय बोर्डले मंगलबार बिहान बसेको बैठकमार्फत मोरङका सबै निर्वाचन क्षेत्रमा उम्मेदवार चयन गरेको हो।
कांग्रेसका अनुसार मोरङ निर्वाचन क्षेत्र नम्बर १ मा खड्ग फागोलाई उम्मेदवार बनाइएको छ। क्षेत्र नम्बर २ बाट डा. मिनेन्द्र रिजालले टिकट पाएका छन्।
यस्तै, मोरङ–३ मा डा. सुनिल शर्मा दोहोरिँदा मोरङ–४ मा हालै नवनिर्वाचित महामन्त्री गुरूराज घिमिरेलाई उम्मेदवार बनाइएको छ।
मोरङ–५ मा फूलकुमार लावतीलाई प्रत्यक्षतर्फको उम्मेदवार बनाउँदा डा. शेखर कोइराला मोरङ–६ बाट निर्वाचन लड्ने भएका छन् ।
