काठमाडौं । नेपाली कांग्रेसको आधिकारिकता विवादसम्बन्धी मुद्दामा सर्वोच्च अदालतले आज अन्तरिम आदेश नदिने निर्णय गरेको छ।
यससँगै निर्वाचन आयोगको निर्णयअनुसार तत्कालका लागि गगन थापा नेतृत्वको कांग्रेसलाई अगाडि बढ्ने बाटो खुलेको छ।
तत्कालीन सभापति शेरबहादुर देउवा र कार्यवाहक सभापति पूर्णबहादुर खड्काले दायर गरेको रिटमाथि आज न्यायाधीश सुनिलकुमार पोखरेलको इजलासमा सुनुवाइ भएको थियो।
सुनुवाइपछि इजलासले अन्तरिम आदेश दिने वा नदिने टुंगो लगाउनुअघि दुवै पक्षलाई छलफलका लागि बोलाउने आदेश दिएको छ।
यसअघि निर्वाचन आयोगले नेपाली कांग्रेसको विशेष महाधिवेशनलाई मान्यता दिँदै गगन थापा नेतृत्वको केन्द्रीय कार्य समितिलाई अद्यावधिक गरिसकेको छ।
सोही निर्णयका आधारमा थापा नेतृत्वको कार्य समितिले पार्टीका १६५ वटै निर्वाचन क्षेत्रका उम्मेदवार टुंग्याइसकेको छ।
