काठमाडौं। आइसीसी टि-२० विश्वकप अन्तर्गत भारतले नेदरल्याण्ड्सलाई १९४ रनको लक्ष्य दिएको छ ।
भारतको नरेन्द्रमोदी क्रिकेट स्टेडियममा टस जितेर पहिले ब्याटिङ गरेको भारतले निर्धारित २० ओभरमा ५विकेटको क्षतिमा १९३ रन बनायो ।
भारतका लागि शिवम दुवेले सर्वाधिक ६६ रनको योगदान दिए । ३१ बलको सामना गरेका उनले ६ छक्का र ४ चौका प्रहार गरे । यस्तै कप्तान सूर्यकुमार यादवले ३४, तिलक बर्माले ३१, हार्दिक पाण्ड्याले ३० रन बनाए।
नेदरल्याण्ड्सका लोगान भ्यान बेकले तीन विकेट लिए । यस्तै आर्यन दत्तले दुई तथा काइल क्लेनले एक विकेट लिए ।
