काठमाडौं । नेपाली बजारमा केहि दिन यता ओरालो लागेको सुनको मूल्य आज पनि घटेको छ। बिहीबार तोलामा ७५ हजार ५ सय रुपैयाँमा कारोबार सुन शुक्रबार ९ सयले घटेर ७४ हजार ६ सय रुपैयाँमा कारोबार भइरहेको छ।
नेपाल सुन चाँदी व्यवसायी महासंघका अनुसार तेजावी सुन तोलामा ७४ हजार ३ सय रुपैयाँले कारोबार भएको छ ।
यस्तै, चाँदीको मूल्य पनि सामान्य गिरावट आएको छ। चाँदी तोलाको ८८५ रुपैयाँमा बिक्री भइरहेको महासंघले जनाएको छ। यो मूल्य बिहीबारको भन्दा ५ रुपैयाँले कम हो। इरान र अमेरिकाबीचको आन्तरिक विवादले सुनको भाउ उचाव चाढाव भएको महासंघले जनाएको छ।
