झापा। आज यहाँ आयोजित खुला रक्तदान कार्यक्रममा १०५ पिन्ट रगत सङ्कलन भएको छ ।
समुदाय प्रहरी साझेदारी कार्यक्रमअन्तर्गत इलाका प्रहरी कार्यालय दमकको आयोजना तथा लायन्स क्लब अफ दमक माउन्ट एभरेस्टको सहकार्यमा सो रक्तदान कार्यक्रम गरिएको थियो ।
रक्तदानमा प्रहरी, निर्वाचन प्रहरी, लायन्सकर्मी तथा सर्वसाधारणले रक्तदान गरेका प्रहरी नायब उपरीक्षक किशोर लम्सालले जानकारी दिनुभयो ।
रक्तदान नेपाल रेडक्रस सोसाइटी दमक उपशाखाको प्राविधिक सहयोगमा भएको थियो । सो कार्यक्रममा सहभागी रक्तदातालाई प्रंशसापत्र पनि वितरण गरिएको थियो ।रासस
