काठमाडौं । नेपाली बजारमा मंगलबार ओरालो लागेका सुनको मुल्य फेरी उकालो लागेको छ । बुधबार सुनको मूल्य तोलामा १ हजार रुपैयाँले बढेको हो ।
नेपाल सुन चाँदी व्यवसायी महासंघका अनुसार मंगलबार तोलामा ७५ हजार ५ सय रुपैयाँमा कारोबार सुन बुधबार ७६ हजार ५ सय रुपैयाँमा कारोबार भइरहेको छ। यस्तै तेजावी सुनको मूल्य ७६ हजार २ सय रुपैयाँ कायम गरिएको छ।
यस्तै, चाँदीको मूल्यमा सामान्य वृद्धि भएको छ। आज चाँदी तोलामा २० रुपैयाँले बढेको छ। चाँदी तोलाको ९२० रुपैयाँमा कारोबार भइरहेको छ। सुन चाँदी महासंघका अनुसार इरान र अमेरिकाबीचको आन्तरिक विवादले सुनको भाउ लगातार बढेको हो।
