काठमाडौं। वेस्ट इन्डिजले आईसीसी पुरुष टी–२० विश्वकप को चौथो सुपर–८ खेलमा जिम्बाब्वेलाई २५५ रनको लक्ष्य दिएको छ।
मुम्बईको वानखेडे स्टेडियममा टस हारेर ब्याटिङको निम्तो पाएको वेस्टइन्डिजले जिम्बाब्बेविरुद्ध निर्धारित २० ओभरमा ६ विकेटको क्षतिमा २५४ रनको विशाल स्कोर बनाएको हो ।
टी–२० विश्वकप इतिहासमै यो दोस्रो ठूलो स्कोर हो । यसअघि सन् २००७ को विश्वकपमा केन्याविरुद्ध श्रीलंकाले २६० रन बनाएको थियो । दोस्रोमा आयरल्यान्ड २३५ रनसहित रहेकोमा अब वेस्टइन्डिजले जिम्बाब्बेविरुद्ध २५४ रन बनाएको हो ।
वेस्ट इन्डिजका लागि शिमरोन हेटमायर र रोभमान पावेलले अर्धशतक प्रहार गरे। हेटमायरले ३४ बलमा ८५ रन बनाए। उनले ७ चौका र ७ छक्का प्रहार गरे।
रोभम्यान पावेलले ३५ बलमा ५९, रोमारियो शेफर्डले १० बलमा २१ रन बनाए । यस्तै कप्तान शाही होपले १४ रन बनाउँदा शेर्फेन रदरफोर्ड ३१ रनमा नटआउट रहे ।
जिम्बाब्बवेका लागि रिचर्ड न्गाराभा र ब्लेसिङ मुजरबानीले दुई दुई विकेट लिए ।
