भारतीय प्रधानमन्त्री नरेन्द्र मोदीले आजको सूर्य ग्रहण बादलका कारण हेर्न नपाएको उल्लेख गरेका छन् । प्रधानमन्त्री मोदीले सुर्य ग्रहण हेर्नकोे निम्ती विशेष चस्मा प्रयोग गरेका थिए तर पनि बादलको कारण आफ्नो प्रयास सफल हुन नसकेको को भनाइ छ ।
प्रधानमन्त्री मोदीले नयाँ दिल्लीस्थित आफ्नो सरकारी आवासको बगैंचामा गएर सुर्य ग्रहण हेर्न प्रयत्न गरेका थिए । उनले प्रत्यक्ष रुपमा सूर्य ग्रहण नहेरेपनि केरेलाको कोझिकोडे लगायत देशका विभिन्न भागबाट देखिएको ग्रहण झलक प्रत्यक्ष प्रसारणबाट अवलोकन गर्न पाएको उल्लेख गरेका छन् ।
प्रत्यक्ष रुपमा सूर्य ग्रहण अवलोकन गर्न नपाएपछि मोदीले माइक्रो ब्लगिङ साइट ट्वीटरमा लेखेका छन्– ‘धेरै भारतीयजस्तै म पनि सूर्य ग्रहणलाई लिएर उत्साहित थिएँ । दुर्भाग्यवश बादलका कारण सूर्यलाई देख्न पाइनँ, तर कोझिकोडे तथा अन्य भागबाट देखिएको ग्रहणको झलक प्रत्यक्ष प्रसारमा हेरेँ । विशेषज्ञहरुसँग कुराकानी गरेर ग्रहणबारेको आफ्नो ज्ञानलाई अझै समृद्ध पारेँ ।’
