हास्यकलाकार शिवहरि पौडेलले निर्देशन गरेको चलचित्र ‘लक्का जवान’ को प्रदर्शन मिति सरेको छ । यसअघि ७ चैत्रमा देशव्यापी प्रदर्शनमा आउने मिति तय गरेको यो चलचित्र २१ चैत्रमा प्रदर्शनमा आउने तयारीमा रहेको निर्माण पक्षले जनाएको छ ।
ज्येष्ठ नागरिकको विषयमा केन्द्रित रही निर्माण गरिउको यस चलचित्रका किरण केसी, शिवहरि पौडेल, दीलिप रायमाझी, सुरेन्द्र केसी, वर्षा शिवाकोटी, प्रियंका कार्की, राजाराम पौडेल, सलोन बस्नेतलगायतका कलाकारको अभिनय छ । ‘लक्का जवान’ ले केही पाका उमेरका मानिसको दैनिकी, जीवनशैली र सामाजिक मनोविज्ञानलाई उधिनेको निर्देशक पौडेलले जनाए ।
