काठमाडौं । पशुपति क्षेत्र विकास कोषले सेवासुविधा वृद्धि गरेपछि आर्यघाटमा शवदाह गर्ने कामदारहरूले आन्दोलन फिर्ता लिएका छन्। बुधबार बिहानदेखी सेवा, सुविधा वृद्धिको माग राख्दै कामदारले शव जलाउन, दाउरा ओसार्न र खाल्डो खन्ने काम ठप्प पारेका थिए।
आन्दोलनरत कामदार र कोषबीच भएको वार्तामा सेवा सुविधा वृद्धि गर्ने सहमति भएपछि आन्दोलन फिर्ता भएको हो।
‘एउटा शव जलाएबापत कामदारले एक हजार दुई सय रुपैयाँ पाउँदै आएका थिए। तीन सय रुपैयाँ वृद्धि गरेर एक हजार पाँच सय रुपैयाँ पुर्याइएको छ,’ ढकालले भने, ‘अवकाश हुँदा उपदानबापत एक लाख ५० हजार रुपैयाँ पाउने गरेका कामदारले अबदेखि पाँच लाख रुपैयाँ पाउनेछन्।
‘उहाँहरूको मुख्य माग अवकाश हुँदा पाउने रकम दस लाख रुपैयाँ पुर्यानुपर्छ भन्ने थियो,’ उनले भने, ‘हामीले पाँच लाख रुपैयाँ पुर्याएका छौं।’ कोषले आठ वर्षपछि कामदारको सेवा सुविधा बृद्धि गरेको हो।
मंगलबार साँझदेखि कामदारहरूले सूचना र कालो ब्यानर टाँसेर माग पूरा नभए बुधबार बिहानदेखि अनिश्चितकालीन काम ठप्प गर्ने बताएका थिए।
