काठमाडौँ । नेपालका लागि नेपाली अभियानका अभियन्ता भनिएका ज्ञानेन्द्र शाहीले आयोजना गरेको पत्रकार सम्मेलनमा अखिलका विद्यार्थी नेता प्रवेश गरेको खुलासा भएको छ । आइतबार दिउँसो पुल्चोकमा आयोजना गरिएको पत्रकार सम्मेलनमा विद्यार्थी नेताहरु प्रवेश गरेर अभियान्ता शाहीमाथी हातपात गरेका हुन् ।
पत्रकार सम्मेलनमा पत्रकार भनेर प्रवेश गरेका त्रि–चन्द्र क्याम्पस अखिलका गोविन्द थपलिया लगायतका नेताहरुले विवाद निकालेर शाहीमाथि आक्रमणको प्रयास गरेका थिए । शनिबार नेपालगञ्ज एयरपोर्टबाट काठमाडौँ आउने क्रममा पर्यटन मन्त्री योगेश भट्टराईले १ घण्टा बुद्ध एयरको जहाज रोकेको र ज्ञानेन्द्र शाहीलगायतको समूहले गरेको दुरव्यवहारको विषयमा स्पष्टिकरण दिन यो पत्रकार सम्मेलन आयोजना गरिएको थियो ।
