बीबीसी । अमेजनको डढेलोले अहिले विश्वभरीका मानिसको ध्यान तानेको छ । यस डढेलोलाई विश्वको अन्य भागमा भइरहेको आगलागीसँग तुलना गरेर हेर्दा अनौठो तथ्य बाहिरिएको छ ।नासाले विश्वभरी हुने आगलागीलाई नक्सामा देखाएर तस्विर प्रकाशित गर्ने गर्छ ।
आइतबार नासाले प्रकाशित गरेको विश्व डढेलो नक्सामा सबैभन्दा वृहद डढेलो केन्द्रीय अफ्रिकामा लागिरहेको देखाएको छ । अघिल्लो हप्ताका दुई दिनको अवधिमा अंगोलामा सम्पूर्ण ब्राजिलमा भन्दा तीन गुणा बढी डढेला लागेको देखिएको थियो ।
वेदर सोर्सबाट प्राप्त भएको तथ्याङ्कले अंगोलाका ६,९०२ स्थानमा आगलागी भएको देखाएको छ भने छिमेकी लोकतान्त्रिक गणतन्त्र कंगोमा ३,३९५ डढेलो देखाएको थियो । उता ब्राजिलमा भने २,१२७ आगलागी देखिएको छ ।
यो तथ्याङ्क बाहिरिएपछि ट्वीटरमा बहस नै सुरु भएको छ । मानिसहरु अफ्रिकामा भइरहेको आगलागीप्रति विश्वको ध्यान नगएकोमा चिन्तित देखिएका छन् ।।
