काठमाडौं । विश्वकप क्रिकेटमा बंगलादेशसँग वेष्ट इन्डिज पराजित भएको छ । सोमबार भएको खेलमा बंगलादेशले वेष्ट इन्डिजलाई सात विकेटले हराएको हो ।
३२२ रनको लक्ष्य पछ्याउँदै ब्याटिङ गरेको बंगलादेशले ४१.३ ओभरमा तीन विकेट गुमाउदै लक्ष्य पुरा गरेको थियो । बंगलादेश लागि शकिब अल हसनले शतक बनाए । उनले ९९ बलमा १६ चौका प्रहार गर्दै १२९ रन बनाए । त्यस्तै लिटोन दासले ९४ रन बनाए । उनले ६९ बलमा ८ चौका र ४ छक्का प्रहार गरेका थिए । तमिम इकबलले ४८, सौम्या सरकारले २९ रन बनाउदा मुस्ताफिजुर रहमान १ रनमै आउट भए ।
यता वेष्ट इन्डिजका लागि एन्ड्रे रसेल र ओशेन थोमसले समान एक एक विकेट लिए ।
यसअघि टस हारेर पहिले ब्याटिङ गरेको वेष्ट इन्डिजले निर्धारित ५० ओभरमा ७ विकेट गुमाएर ३२१ रन बनायो ।उसका लागि शाइ होपले ९६ रन बनाए । उनि शतक बनाउनबाट ४ रनले चुके । होपले ९६ रन बनाउने क्रममा १२१ बलको सामना गर्दै ४ चौका र १ छक्का प्रहार गरे । यता इभिन लेविसले ६७ बल खेल्दै ६ चौका र २ छक्काको मद्दतले ७० रन बनाए ।
यता शिमरन हिटम्यरले अर्ध शतक प्रहार गरे । उनले ५० रन बनाउने क्रममा २६ खेल्दै ४ चौका र ३ छक्का प्रहार गरे । ज्यासन होल्डर ले ३३ रन बनाउदा ड्यारेन ब्राभो १९ रन बनाए । तर पछिल्ला क्रममा अरु ब्याट्सम्यानले त्यसअनुसार रन बनाएन सकेनन् ।ओशेन थोमसले ६ रन बनाए । आशा गरिएको क्रिश गेल र एन्ड्रे रसेल शून्य रनमै आउट भए ।
बंगलादेशको लागि मुस्ताफिजुर रहमान र मोहम्मद सइफुदिनले समान तीन तथा शकिब अल हसन दुई विकेट लिए ।
जितसँगै पाँच खेल खेलेको बंगलादेशको ५ अकं रहेको भने पराजित भएको वेस्ट इन्डिजको समान खेलबाट ३ अकं रहेको छ । बंगलादेश अंक तालिकाको पाँचौं स्थानमा रहदा र वेस्ट इन्डिज सातौ स्थानमा छ ।
