काठमाडौं । साताको अन्तिम कारोबार दिन शुक्रवार नेपाली बजारमा सुनको मूल्य घटेको घटेको छ । स्थानीय बजारमा अघिल्लो कारोबार दिन अर्थात् बिहीबार स्थिर रहेको सुनको भाउ शुक्रवार रू. १०० घटेको छ ।
नेपाल सुनचाँदी व्यवसायी महासंघका अनुसार शुक्रवार छापावाला सुन प्रतितोला रू. ९२ हजार २०० मा कारोबार भएको छ । बिहीबार छापावाला सुनको मूल्य प्रतितोला रू. ९२ हजार ३०० मा कारोबार भएको थियो । बिहीबारको तुलनामा शुक्रबार छापावाला सुन प्रतितोला र. १०० ले घटेको हो ।
त्यसैगरी, तेजाबी सुन प्रतितोला रू. ९१ हजार ७०० मा कारोबार भएको छ । बिहीबार तेजाबी सुन प्रतितोला रू. ९१ हजार ८०० मा कारोबार भएको थियो ।
यस्तै, शुक्रबार चाँदीको मूल्य पनि घटेको छ । बिहीबार प्रतितोला रू. १ हजार २०० मा कारोबार भएको चाँदी शुक्रबार रू. १५ ले घटेर रू. १ हजार १८५ किनबेच भइरहेको छ ।
