काठमाडौं । यहि जेष्ठ २८ गते भित्र देशमा महाभूकम्प आउँछ भन्दै सर्वसाधारणमा आतंक फैलाएको भन्दै एक जना ‘ज्योतिष’लाई पक्राउ गरेको छ । पक्राउ पर्नेमा ३६ वर्षीय अर्जुन क्षेत्र रहेको महानगरीय प्रहरी परिसर काठमाडौंले जनाएको छ ।
उनलाई मंगलबार गौशालाबाट पक्राउ गरेको परिसरका प्रवक्ता डीएसपी होविन्द्र बोगटीले जानकारी दिए ।
प्रहरी परिसरका अनुसार उनले यूट्यूव भिडियोमार्फत जेठ महिनाभित्र विनाशकारी भूकम्प आउने भन्दै आतंक फैलाएका थिए ।
उनीमाथि कारबाही प्रक्रिया अघि बढाइएको प्रहरीले जनाएको छ ।
