ललितपुर । सत्यमोहन जोशीको जन्म दिनको कर्याक्रममा राष्ट्रपति विद्यादेवी भण्डारी सहभागी नहुने भएकी छिन् ।
जन्म दिनको कार्यक्रमा उपस्थित हुने भनिएपनि अन्तिम समयमा आएर राष्ट्रपतिको कार्यव्यस्तताले कार्याक्रममा सहभागी हुन नसक्ने जानकारी आएको ललितपुर महानगरपालिकाले जनाएको छ ।
जोशीको जन्म दिनमा महानगर अन्तर्गतका सबै कार्यालयहरूमा सार्वजनिक बिदा दिने भएको छ। वैशाख ३० गते ९९ वर्ष पूरा भई १०० वर्षमा प्रवेश गर्न लागेका उनको २०७७ साल वैशाख ३० गतेसम्म उत्सव मनाइनेछ ।
महानगरका अनुसार सत्यमोहन जोशी राष्ट्रको महत्वपूर्ण नीधि र अतुलनीय योगदानले राष्ट्रको कला, संस्कृति र साहित्य क्षेत्रको विकासमा महत्वपूर्ण टेवा पुर्याएको भन्दै सार्वजनिक बिदा दिने निणर्य गरेको मेयर चिरिबाबु महर्जनले बताए ।
