काठमाडौं । ३३ किलो सुन तस्करी काण्डमा मुछिएका कृष्णगोपाल अग्रवाललाई धरौटीमा रिहा गर्न जिल्ला अदालत मोरङले आदेश दिएको छ।
सोमबार न्यायाधीश भरत लम्सालको इजलासले अग्रवाललाई २ लाख धरौटीमा रिहा गर्न आदेश दिएको हो ।
सुन काण्डमा संलग्न रहेको आरोपित फरार रहेका उनलाई पक्राउ गर्न इन्टरपोलबाट रेड नोटिस जारी भएको थियो । झापाको साविक शिवगञ्ज गाविस–१ ठेगाना भएका ५० वर्षीय अग्रवाललाई इन्टरपोलको सहयोगमा दुबईबाट काठमाडौं ल्याइएको थियो ।
सुनको अवैध चोरीपैठारी र निकासी, अपहरण र शरीर बन्धक तथा कर्तव्य ज्यान मुद्दामा संलग्न भएको आरोप अग्रवालमाथि छ ।
गोरेले ल्याउने सुनमा अग्रवालको पनि लगानी रहँदै आएको थियो । उनले २०६९ सालदेखि सुनको अवैध कारोबारमा गोरेमार्फत काम गरिरहेको अनुसन्धानमा खुलेको थियो ।
सो सुन प्रकरणमा जोडिएका गोरेसहितका व्यक्तिहरु पक्राउ परेको भए पनि काले भने यूएईमा नै बसिरहेका थिए ।
